કેચપ નહીં મળવાથી નારાજ થયેલી 3 મહિલાઓએ રેસ્ટોરન્ટમાં કર્યો હંગામો,કર્મચારીઓ પર કર્યો હુમલો,જુઓ વીડિયો
ઈન્ટરનેટ પર એક ફની વીડિયો વાયરલ થઈ રહ્યો છે જેમાં ત્રણ મહિલા ગ્રાહકો ન્યૂયોર્ક સિટીની એક રેસ્ટોરન્ટમાં હંગામો મચાવતા અને કર્મચારીઓ પર હુમલો કરતી જોવા મળી હતી. ઝઘડો ફાટી નીકળ્યો કારણ કે હોટલના સ્ટાફે વધારાની સોસના બિલમાં $1.75 ફી ઉમેરી હતી. શરૂઆતમાં TikTok પર શેર કરવામાં આવેલી ક્લિપમાં ત્રણ મહિલાઓ રેસ્ટોરન્ટના સ્ટાફ પર મેટલ સ્ટૂલ, કાચની બોટલો અને વાસણો ફેંકતી જોવા મળી હતી. તે બે મહિલાઓને કાઉન્ટર પર ચડતી અને નજીકથી સોસની બોટલ ફેંકતી પણ બતાવે છે. વીડિયોમાં એક સમયે, એક મહિલા કાઉન્ટર પર ડાન્સ કરતી જોવા મળે છે જ્યારે અન્ય બે રેસ્ટોરન્ટનો નાશ કરવાનું ચાલુ રાખે છે.
ઈન્ડિપેન્ડન્ટ અખબાર અનુસાર, આ ઘટના 4 જુલાઈના રોજ મેનહટનના લોઅર ઈસ્ટ સાઇડમાં બેલ ફ્રાઈસ ખાતે બની હતી. લૂંટ અને ગુનાહિત ના આરોપમાં ત્રણ મહિલાઓની ધરપકડ કરવામાં આવી છે. રેસ્ટોરન્ટના શેફ રાફેલ નુનેઝે જણાવ્યું હતું કે, ત્રણેય ગ્રાહકોને ફ્રાઈસ માટે વધારાની સોસ જોઈતી હતી. જ્યારે કર્મચારીએ સમજાવ્યું કે તેણે તેના માટે $1.75 ચૂકવવા પડશે ત્યારે તેણી ગુસ્સે થઈ ગઈ હતી. અને ત્યાંથી જ બધું શરૂ થયું.”
ત્રણ મહિલાઓની ઓળખ 27 વર્ષીય પર્લ ઓઝોરિયા, 25 વર્ષીય ચિતારા પ્લેસેનિયા અને 23 વર્ષીય ટાટિયાના જોન્સન તરીકે થઈ છે. અહેવાલો અનુસાર, ત્રણેય ગ્રાહકોએ રેસ્ટોરન્ટની અંદર કમ્પ્યુટર, રોકડ રજિસ્ટર અને અન્ય વસ્તુઓનો નાશ કર્યો. હોટલમાં કામ કરતા એક કર્મચારીને પણ ઈજા થઈ હતી અને તેને હોસ્પિટલમાં લઈ જવામાં આવ્યો હતો.
ફોક્સન્યૂઝ અનુસાર, પર્લ ઓજોરિયાએ ધરપકડ વખતે પોલીસ અધિકારીના ચહેરા પર કથિત મુક્કો માર્યો હતો. તેણીને હવે પોલીસ અધિકારી પર હુમલો, ધરપકડનો વિરોધ, સરકારી વહીવટમાં અવરોધ અને અવ્યવસ્થિત વર્તનના વધારાના આરોપોનો સામનો કરવો પડે છે. અન્ય બે મહિલાઓ પર પણ હથિયાર રાખવાનો આરોપ હતો.ઓઝોરિયા, પ્લેસેન્સિયા અને જ્હોન્સનને હવે શુક્રવારે 15 જુલાઈએ ન્યાયાધીશ સમક્ષ હાજર થવું પડશે.
Just another typical day in NYC pic.twitter.com/vcnz2YQnp0
— Libs of TikTok (@libsoftiktok) July 6, 2022