અમદાવાદમાં મોડી રાત્રે ગાજવીજ સાથે વરસાદનું આગમન,રસ્તાઓ પર પાણી ભરાયા,જુઓ વીડિયો
સમગ્ર વિશ્વમાં કોરોના એ કાળો કહેર મચાવ્યો છે. ત્યારે ભારત માં કોરોના વાયરસ નો આંકડો સતત વધી રહ્યો છે.ત્યારે આજે કોરોના નો આંકડો દેશમાં 3 કરોડ અને 53 લાખ ને પાર પહોંચ્યો છે. ત્યારે તેમાં ગુજરાત પણ બાકાત નથી. ગુજરાતમાં કોરોના નો આંકડો 8 લાખ અને 30 હજાર ને પાર પહોંચી ગયો છે.ત્યારે ગુજરાત રાજ્યમાં અનેક એવી ઘટનાઓ સામે આવી રહી છે.જે આપણ ને વિચારવા મજબૂર કરી દે છે.ત્યારે હવે ગુજરાતમાં ધીમે ધીમે વરસાદના એંધાણ શરૂ થઈ ગયા છે.ત્યારે ગઈકાલે મોડી સાંજે અમદાવાદ શહેરમાં મેઘરાજા મનમૂકીને વરસ્યા હતા.
મળતી માહિતી મુજબ,અમદાવાદ શહેરમાં મેઘરાજાએ ધમાકેદાર એન્ટ્રી કરી લીધી છે.અમદાવાદ પૂર્વ અને પશ્ચિમ બંને વિસ્તારમાં વરસાદના વરસી રહ્યો છે. જેના પગલે વાતાવરણમાં ઠંડક પ્રસરી ગઈ છે. કાળઝાળ ગરમીમાં શેકાતા અમદાવાદીઓને વરસાદથી રાહત થઈ છે અને ટાઢક વળી છે. અમદાવાદમાં રવિવારથી માંડી 15 જૂન સુધીમાં ગાજવીજ સાથે અંદાજે 1 ઈંચ આસપાસ વરસાદ પડવાની આગાહી હવામાન વિભાગ દ્વારા કરાઈ છે.
અમદાવાદમાં વરસાદની વાત કરીએ તો વીજળીના કડાકાભડાકા સાથે વરસાદ શરૂ થયો છે. એસજી હાઇવે, સોલા ,ગોતા, શાહીબાગ, નરોડા, નિકોલ, ન્યુ રાણીપ, સાબરમતી, ચાંદખેડા, જગતપુર સહિતના વિસ્તારમાં વરસાદ પડી રહ્યો છે. પાલડી , ગીતા મંદિર બસ સ્ટેન્ડ, જમાલપુર વિસ્તાર સહિત અમદાવાદના અલગ અલગ વિસ્તારોમાં ધોધમાર વરસાદ પડી રહ્યો છે.તો શનિવારે બપોર પછી અમદાવાદના વાતાવરણમાં પલટો આવ્યો હતો અને રાણીપ, એસજી હાઈવે, ઘાટલોડિયા, ગોતા સહિતના કેટલાક વિસ્તારમાં છાંટા પડ્યા હતા.
જો કે સામાન્ય વરસાદમાં જ મ્યુનિસિપલ કોર્પોરેશન દ્વારા કરવામાં આવેલા મોટા મોટા દાવાઓ અને પ્રિમોનસુન કામગીરીની પોલ ખુલી ગઇ હતી. જગતપુર વિસ્તારમાં ગોઠણસમા પાણી ભરાયા હતા.
ગુજરાતમાં પણ વરસાદે ધમાકેદાર એન્ટ્રી કરી લીધી છે.હવામાન વિભાગે હજુ આગામી પાંચ દિવસોમાં વરસાદની આગાહી કરી છે. આગાહી મુજબ સૌરાષ્ટ્ર, દક્ષિણ ગુજરાત તથા મધ્ય ગુજરાતમાં વીજળીના કડાકા-ભડાકા સાથે વરસાદ પડવાની સંભાવના વ્યક્ત કરાઈ છે.
બીજી તરફ આજે સાંજે અમદાવાદના કેટલાક વિસ્તારોમાં વરસાદ પડ્યો હતો.હવામાન વિભાગ મુજબ આગાહી પાંચ દિવસોમાં મધ્ય ગુજરાતના ગાંધીનગર, ખેડા, અમદાવાદ, આણંદ, પંચમહાલ, દાહોદ, મહિસાગર, સૌરાષ્ટ્રના ભાવનગર, બોટાદ, રાજકોટ, ગીર સોમનાથ, સુરેન્દ્રનગર જુનાગઢ તથા અમરેલીમાં, દક્ષિણ ગુજરાતના તમામ જિલ્લાઓમાં વરસાદ પડવાની શક્યતા છે. આ દરમિયાન 30થી 40 કિલોમીટરની ઝડપે પવન ફૂંકાઈ શકે છે.