પંજાબના CM ભગવંત માન બીજી વાર બનશે વરરાજા,આવતીકાલે ડૉ.ગુરપ્રીત સાથે લગ્ન કરશે પંજાબના મુખ્યમંત્રી,જુઓ

પંજાબના મુખ્યમંત્રી ભગવંત માન લગ્નના બંધનમાં બંધાવા જઈ રહ્યા છે. તેમના લગ્ન ગુરુવારે ચંદીગઢમાં થશે. ભગવંત માન ડૉક્ટર ગુરપ્રીત કૌર સાથે લગ્ન કરવા જઈ રહ્યા છે. ભગવંત માનના લગ્નમાં દિલ્હીના મુખ્યમંત્રી અરવિંદ કેજરીવાલ પણ હાજરી આપશે.

ભગવંત માન 48 વર્ષના છે. તેઓ બીજી વખત લગ્ન કરવા જઈ રહ્યા છે. ભગવંત માન તેમની પહેલી પત્ની ઈન્દ્રપ્રીત કૌરથી છૂટાછેડા લઈ ચૂક્યા છે. તેમને બે બાળકો છે, જેઓ ભગવંત માનની પહેલી પત્ની સાથે અમેરિકામાં રહે છે. કહેવામાં આવી રહ્યું છે કે ભગવંત માનના લગ્નનું આયોજન ચંદીગઢમાં કરવામાં આવશે. આમાં અરવિંદ કેજરીવાલ સહિત ખાસ લોકો જ સામેલ થશે.

કોમેડિયનમાંથી રાજનેતા બનેલા ભગવંત માન 2014માં પહેલીવાર સંગરુરથી સાંસદ બન્યા હતા. ત્યારબાદ તેની પત્ની ઈન્દ્રજીત કૌર પણ તેના પ્રમોશનમાં જોવા મળી હતી. જોકે, બંનેએ 2015માં છૂટાછેડા લીધા હતા. ભગવંત માન 2019માં સંગરુરથી પણ ચૂંટણી જીત્યા હતા. પરંતુ 2022માં તેઓ પંજાબમાં AAP તરફથી મુખ્યમંત્રી પદના ઉમેદવાર બન્યા હતા. તેમના નેતૃત્વમાં પાર્ટીને પ્રચંડ બહુમતી મળી. ભગવંત માને 16 માર્ચ 2022ના રોજ પંજાબના સીએમ તરીકે શપથ લીધા હતા.

ભગવંત માને કહ્યું હતું કે તેઓ રાજકારણના કારણે પરિવારને સમય આપી શકતા નથી. તેથી તેણે પોતાની જાતને તેની પત્નીથી દૂર કરી દીધી. આટલું જ નહીં છૂટાછેડા બાદ તેણે સોશિયલ મીડિયા પર એક પોસ્ટ પણ લખી હતી. આમાં તેણે કહ્યું હતું કે તેણે તેના પરિવાર કરતાં પંજાબને પસંદ કર્યું છે. તેઓ રાજનીતિ માટે પત્નીથી અલગ થઈ રહ્યા છે.