હાર્દિક પંડ્યા ઘરે પહોંચતા જ તેના પુત્રને લગાવ્યો ગળે,શેર કર્યા સુંદર ફોટા,જુઓ

હાર્દિક પંડ્યાના નેતૃત્વમાં ટીમ ઈન્ડિયાએ શાનદાર પ્રદર્શન કર્યું અને ટી-20 શ્રેણીમાં ન્યૂઝીલેન્ડને 1-0થી હરાવ્યું. હવે ભારતીય ટીમ વનડે શ્રેણીમાં કિવી ટીમ સાથે ટકરાશે. શિખર ધવન વનડે શ્રેણીમાં ટીમની કમાન સંભાળશે. તે જ સમયે, હાર્દિક પંડ્યા શ્રેણી ODI શ્રેણીનો ભાગ નથી. આવી સ્થિતિમાં હાર્દિક પંડ્યા હવે સ્વદેશ પરત ફર્યો છે.

હાર્દિક પંડ્યા ઘરે પરત ફરતા જ તેના પુત્ર અગસ્ત્યને ગળે લગાવ્યો હતો. તેના ટ્વિટર પર તેની તસવીરો શેર કરતાં તેણે લખ્યું, ‘હોમ.’ આ સાથે હાર્દિક પંડ્યાએ ફોટાના કેપ્શનમાં દિલની ઈમોજી પણ પોસ્ટ કરી છે.

ન્યૂઝીલેન્ડ પ્રવાસ દરમિયાન જ હાર્દિક પોતાના પુત્રને લઈને ચિંતિત હતો. ન્યૂઝીલેન્ડ સામેની ત્રીજી T20 મેચ ટાઈમાં સમાપ્ત થયા બાદ હાર્દિકે કહ્યું હતું કે, ‘આવી મેચોમાં અમને કેટલાક ખેલાડીઓને અજમાવવાની તક મળે છે, પરંતુ હવામાન પર અમારું નિયંત્રણ નથી. હવે હું ઘરે પરત ફરીશ અને મારા પુત્ર સાથે થોડો સમય વિતાવીશ.

હાર્દિક પંડ્યાના પાર્ટનરનું નામ નતાશા સ્ટેનકોવિક છે, જે સર્બિયન મોડલ અને અભિનેત્રી છે. હાર્દિક પંડ્યા અને નતાશાએ 1 જાન્યુઆરી 2020ના રોજ સગાઈ કરી હતી. ત્યારબાદ તે જ વર્ષે જુલાઈમાં બંને માતા-પિતા બન્યા હતા. હાર્દિક પંડ્યા અવારનવાર તેના પુત્ર સાથેની તસવીરો શેર કરે છે.

Home ❤️ pic.twitter.com/P6NlWKzEHm

— hardik pandya (@hardikpandya7) November 24, 2022