રાજકોટ જીલ્લામાં ગાજવીજ સાથે ભારે વરસાદ,રસ્તાઓ થયા પાણી – પાણી,જુઓ વીડિયો

સમગ્ર વિશ્વમાં કોરોના એ કાળો કહેર મચાવ્યો છે. ત્યારે ભારત માં કોરોના વાયરસ નો આંકડો સતત વધી રહ્યો છે.ત્યારે આજે કોરોના નો આંકડો દેશમાં 3 કરોડ અને 53 લાખ ને પાર પહોંચ્યો છે. ત્યારે તેમાં ગુજરાત પણ બાકાત નથી. ગુજરાતમાં કોરોના નો આંકડો 8 લાખ અને 30 હજાર ને પાર પહોંચી ગયો છે.ત્યારે ગુજરાત રાજ્યમાં અનેક એવી ઘટનાઓ સામે આવી રહી છે.જે આપણ ને વિચારવા મજબૂર કરી દે છે.ત્યારે હવે ગુજરાતમાં ધીમે ધીમે વરસાદના એંધાણ શરૂ થઈ ગયા છે.ત્યારે આજે સતત પાંચમાં દિવસે અમરેલી જિલ્લામાં વરસાદ ખાબક્યો છે.સતત પાંચમાં દિવસથી મેઘરાજા મહેરબાન થયા છે.

તો બીજી તરફ રાજકોટ જીલ્લામાં પણ સતત ત્રીજા દિવસે મેઘરાજા મનમૂકીને વરસ્યા છે.આજે ગોંડલ પંથકમાં મેઘરાજાએ ધમાકેદાર એન્ટ્રી કરી હતી. દિવસભરના અસહ્ય બફારા બાદ સાંજે હવામાન પલટાયું હતું. વીજળીના કડાકા ભડાકા સાથે ધોધમાર વરસાદ વરસ્યો છે. ગોંડલનાના સુલતાનપુર, વીંજીવડ, નાના-મોટા સખપરમાં એકથી દોઢ ઇંચ વરસાદ વરસ્યો છે. જ્યારે દેરડીકુંભાજીમાં ગાજવીજ સાથે ધોધમાર અને ગોંડલ શહેરમાં ઝરમર વરસાદ વરસ્યો છે. રાજકોટમાં 150 ફૂટ રિંગ રોડ, જામનગર રોડ, કાલાવડ રોડ, મોરબી રોડ સહિતના વિસ્તારોમાં ધીમીધારે વરસાદી ઝાપટું વરસતા વાતાવરણમાં ઠંડક પ્રસરી ગઈ છે.

આજે બપોર બાદ પડધરી અને યાત્રાધામ વીરપુરમાં ભારે પવન અને ગાજવીજ સાથે ધોધમાર વરસાદ વરસ્યો છે. જ્યારે રાજકોટ શહેરમાં પણ ધીમી ધારે વરસાદ શરૂ થયો છે. સવારથી જ અસહ્ય ગરમીને કારણે લોકો અકળાયા હતા. પરંતુ બપોર બાદ વાતાવરણમાં પલ્ટો જોવા મળ્યો હતો અને ધોધમાર વરસાદ વરસ્યો છે. વરસાદથી વીરપુરની બજારોમાં પાણી ફરી વળ્યા છે. સારા વરસાદથી ખેડૂતોમાં પણ ખુશીની લાગણી પ્રસરી છે.પડધરી તાલુકામાં આજે બપોર બાદ મેઘરાજાએ મંડાણ માંડ્યા છે.

ભારે પવન અને ગાજવીજ સાથે પડધરીના જીવાપર, વિભાણીયા, ખાખરા, હડમતીયા સહિતના ગામોમાં ધોધમાર વરસાદ વરસ્યો છે. ગામડાની બજારોમાં પાણી ફરી વળતા વાતાવરણમાં ઠંડક પ્રસરી છે. આથી લોકોએ પણ અસહ્ય બફારામાંથી રાહત મેળવી છે. ત્યારે લોધિકા તાલુકામાં પણ આજે સતત બીજા દિવસે મેઘસવારી આવી પહોંચી છે. લોધિકાના ચીભડા ગામમાં ધીમી ધારે વરસાદ વરસી રહ્યો છે.

ગુજરાતમાં પણ વરસાદે ધમાકેદાર એન્ટ્રી કરી લીધી છે.હવામાન વિભાગે હજુ આગામી પાંચ દિવસોમાં વરસાદની આગાહી કરી છે. આગાહી મુજબ સૌરાષ્ટ્ર, દક્ષિણ ગુજરાત તથા મધ્ય ગુજરાતમાં વીજળીના કડાકા-ભડાકા સાથે વરસાદ પડવાની સંભાવના વ્યક્ત કરાઈ છે.

બીજી તરફ આજે સાંજે અમદાવાદના કેટલાક વિસ્તારોમાં વરસાદ પડ્યો હતો.હવામાન વિભાગ મુજબ આગાહી પાંચ દિવસોમાં મધ્ય ગુજરાતના ગાંધીનગર, ખેડા, અમદાવાદ, આણંદ, પંચમહાલ, દાહોદ, મહિસાગર, સૌરાષ્ટ્રના ભાવનગર, બોટાદ, રાજકોટ, ગીર સોમનાથ, સુરેન્દ્રનગર જુનાગઢ તથા અમરેલીમાં, દક્ષિણ ગુજરાતના તમામ જિલ્લાઓમાં વરસાદ પડવાની શક્યતા છે. આ દરમિયાન 30થી 40 કિલોમીટરની ઝડપે પવન ફૂંકાઈ શકે છે.