નામિબિયા ક્રિકેટ ટીમે રચ્યો ઇતિહાસ,ઝિમ્બાબ્વેને ટી-20 સિરીઝમાં 3-2થી હરાવીને બનાવ્યો અનોખો રેકોર્ડ,જુઓ

ક્રેગ વિલિયમ્સની શાનદાર ઇનિંગ્સ અને બોલરોના બળે નામિબિયાએ મંગળવારે (24 મે) બુલાવાયોમાં ક્વીન્સ સ્પોર્ટ્સ ક્લબમાં રમાયેલી પાંચમી અને અંતિમ T20 આંતરરાષ્ટ્રીય મેચમાં ઝિમ્બાબ્વેને 32 રને હરાવ્યું. આ સાથે નામિબિયાએ શ્રેણી 3-2થી જીતી લીધી હતી. નામિબિયા એ પ્રથમ પુરૂષ સહયોગી ટીમ છે જેણે પૂર્ણ સભ્ય ટીમને હરાવીને કોઈપણ ફોર્મેટમાં તેમની પ્રથમ શ્રેણી જીતી છે.

Loading...

ટોસ હાર્યા બાદ બેટિંગ કરવા ઉતરેલી નામિબિયાની ટીમે નિર્ધારિત 20 ઓવરમાં 8 વિકેટ ગુમાવીને 127 રન બનાવ્યા હતા. ઓપનિંગ બેટ્સમેન ક્રેલ વિલિયમ્સે 39 બોલમાં પાંચ ચોગ્ગાની મદદથી 48 રન બનાવ્યા હતા. તેના સિવાય ટીમનો અન્ય કોઈ બેટ્સમેન ખાસ કામ કરી શક્યો નહોતો. છ ખેલાડીઓ દસના આંકડા સુધી પહોંચી શક્યા ન હતા.

ઝિમ્બાબ્વે તરફથી લ્યુક જોંગવે, વેસ્લી માધવેરે અને સિકંદર રઝાએ બે-બે વિકેટ લીધી હતી જ્યારે બ્રાડ ઈવાન્સે એક વિકેટ લીધી હતી.

સરળ લક્ષ્યનો પીછો કરતા ઝિમ્બાબ્વે 19.1 ઓવરમાં 95 રનમાં ઓલઆઉટ થઈ ગઈ હતી. ટોની મુન્યોંગાએ સૌથી વધુ 28 રન બનાવ્યા હતા. યજમાન ટીમના છ બેટ્સમેન પણ ડબલ ફિગર સુધી પહોંચે તે પહેલા જ આઉટ થઈ ગયા હતા.

નામિબિયા માટે, કેપ્ટન ગેરહાર્ડ ઇરાસ્મસ અને જાન ફ્રાયલિંકે બે-બે વિકેટ, રુબેન ટ્રમ્પેલમેન, બર્નાર્ડ શોલ્ટ્ઝ અને બેન શિકોંગોએ એક-એક વિકેટ લીધી હતી.

Leave a Reply

Your email address will not be published. Required fields are marked *