આરોગ્યમંત્રી કુમાર કાનાણીના પુત્ર સહિત બે મિત્રો વિરુદ્ધ પોલીસે નોંધ્યો કર્ફ્યુ ભંગનો ગુનો,જુઓ વીડિયો…

સુરત શહેરમાં રાજ્યના આરોગ્યમંત્રી કુમાર કાનાણીના પુત્ર પ્રકાશ કાનાણી અને એલઆર(કોન્સ્ટેબલ) સુનિતા યાદવ વચ્ચે બબાલ થઈ હતી. જેના વીડિયો અને ઓડિયો વાઈરલ થયા હતા. ત્યારબાદ સુરત પોલીસ કિમશનર દ્વારા તપાસના આદેશ આપવામાં આવ્યા હતા. જેથી વરાછા પોલીસ સ્ટેશનમાં મંત્રી કાનાણાની પુત્ર પ્રકાશ કાનાણી અને તેના બે મિત્રો વિરુદ્ધ કર્ફ્યુ ભંગનો ગુનો નોંધી ત્રણેયની અટકાયત કરવામાં આવી છે.

સુરતમાં મહિલા પોલીસકર્મી સાથે વિવાદને લઈ આરોગ્ય રાજ્યમંત્રી કુમાર કાનાણીના પુત્ર પ્રકાશ કાનાણી સહિત મિત્રો સામે આજે ગુનો નોંધવામાં આવ્યો છે. કરફ્યૂ ભંગ બદલ પોલીસે પ્રકાશ કાનાણી સહિત ત્રણ લોકોની અટકાયત કરવામાં આવી છે. 10 વાગ્યા બાદ કરફ્યૂ લાગૂ હોવા છતાં બહાર નિકળેલા પ્રકાશ કાનાણી અને તેના મિત્રો સામે સુરત પોલીસે ગુનો નોંધી કાર્યવાહી હાથ ધરી છે.

ઘટના શું હતી?
સુરતમાં રાજ્યના આરોગ્યમંત્રી કુમાર કાનાણીના પુત્ર પ્રકાશ કાનાણી અને એલઆર(કોન્સ્ટેબલ) સુનિતા યાદવ વચ્ચે બબાલ થઇ હતી. રાત્રે કર્ફ્યૂના નિયમનું ઉલ્લંઘન કરવા બદલ સુનિતા યાદવે પ્રકાશ કાનાણીને સવાલો કર્યા હતા, ત્યારબાદ બન્ને વચ્ચે બોલાચાલી થઇ હતી. પ્રકાશ કાનાણીએ 365 દિવસ ફરજ માટે ઉભી રાખવાની ચીમકી આપી હતી. અધિકારીઓએ સુનિતા સાચી હોવા છતા પક્ષ ન લેતા તેને રાજીનામું આપ્યું હતું. પ્રકાશ કાનાણી અને સુનિતા યાદવ વચ્ચેની બોલાચાલીનો વીડિયો સોશિયલ મીડિયામાં વાઈરલ થયો છે.

સુરતમાં મંત્રી કુમાર કાનાણીના પુત્ર અને મહિલા પોલીસકર્મી સુનિતા યાદવના વિવાદના વીડિયોમાં ખાખી અને ખાદીમો રૌફ જોવા મળ્યો હતો. કુમાર કાનાણીના પુત્ર કર્ફ્યુ તોડનાર મિત્રના બચાવમાં ઉતર્યાં હોય તેવું પણ વીડિયોમાં સ્પષ્ટ થઈ રહ્યું છે.પોલીસકર્મી સુનિતા યાદવ મંત્રી કુમાર કાનાણીને ફોન પર ખખડાવતી હોય તેવા પણ દ્રશ્યો સામે આવ્યા છે. MLAના બોર્ડ વાળીગાડી લઈને કાનાણીના પુત્ર પ્રકાશને કર્ફ્યુનો નિયમ સમજાવવાના નામે સુનિતાએ તતડાવ્યો.

કર્ફ્યુનો નિયમ તોડીને મિત્રને બચાવવા જનાર પ્રકાશ કાનાણીને મંત્રી કુમાર કાનાણીએ ટેલિફોન પર બચાવ કર્યો હોય તેવા ટેલિફોનિક વાતચીતમાં જોવા મળી રહ્યું છે. જેને લઈ નેતાજીના પ્રયાસની પણ ચારેકોર ટીકા થઈ રહી છે તો વર્દીનો રૌફ જમાવવાને લઈ સુનિતા યાદવની ટીકા થઈ રહી છે.દીકરો કર્ફ્યુ તોડનારના બચાવમાં ઉતર્યો હોવા છતાં કુમાર કાનાણીએ મીડિયા સામે અન્ય કારણ બતાવ્યું. દીકરાની સાસરીમાં કોરોનાનું સંક્રમણ હોવાની વાત કરી પરંતું તેમનો પુત્ર ગાડી લઈને મિત્રને બચાવવા ગયો હોવાનો વીડિયોમાં કેદ થયો છે.

સુરતમાં રાજ્યના આરોગ્યમંત્રી કુમાર કાનાણીના પુત્ર પ્રકાશ કાનાણી અને એલઆર(કોન્સ્ટેબલ) સુનિતા યાદવ વચ્ચે બબાલ અને બાદમાં સુનિતા યાદવે પોલીસ કોન્સ્ટેબલ તરીકેની નોકરીમાંથી રાજીનામું આપી દીધા બાદ ટ્વિટરમાં સુનિતા યાદવને ફુલ સપોર્ટ મળી રહ્યો છે. આજે પણ #i_support_sunita_yadav ટ્રેન્ડિંગમાં છે. 29 હજારથી વધુ લોકો સુનિતાના સપોર્ટમાં ટ્વિટ કરી ચૂક્યા છે. પૂર્વ IPS DG વણઝારાએ પણ સુનિતા યાદવના સપોર્ટમાં ટ્વિટ કર્યું છે અને સુનિતાની હિંમતને બિરદાવી છે.

જુઓ વીડિયો:-