શ્રીલંકામાં જ્યાં ઓસ્ટ્રેલિયાની મેચ ચાલી રહી છે,ત્યાં પહોંચ્યા પ્રદર્શનકારીઓ..,જયસૂર્યા પણ રસ્તા પર,જુઓ વીડિયો
શ્રીલંકામાં સ્થિતિ સતત બગડી રહી છે અને હવે વિરોધીઓ રાષ્ટ્રપતિ ભવન પહોંચી ગયા છે. શનિવારે સ્થિતિ વધુ વણસી તો તેની અસર કોલંબો સહિત અન્ય શહેરોમાં જોવા મળી હતી. હાલમાં ગાલેમાં ઓસ્ટ્રેલિયા અને શ્રીલંકાની ટેસ્ટ મેચ ચાલી રહી છે, જ્યાં પ્રદર્શનકારીઓ સ્ટેડિયમની બહાર પહોંચી ગયા હતા.
શનિવારે મોટી સંખ્યામાં વિરોધીઓ ગાલે પહોંચ્યા, સ્ટેડિયમની બહાર અને અંદર પોસ્ટરો લહેરાવીને પોતાનો અવાજ ઉઠાવ્યો. જો કે, આની મેચ પર કોઈ અસર થઈ ન હતી અને બંને ટીમો વચ્ચેની મેચ આ રીતે ચાલુ રહી હતી.
ગાલેમાં સ્ટેડિયમ નજીકના કિલ્લા પર રમત દરમિયાન ચઢવાની મનાઈ છે. પરંતુ આ દરમિયાન પ્રદર્શનકારીઓ અહીં પહોંચ્યા અને તેઓએ અહીંથી જ તેમના પોસ્ટર લહેરાવ્યા. હજારો દેખાવકારોએ સ્ટેડિયમની બહાર પણ સૂત્રોચ્ચાર કર્યા હતા.
શ્રીલંકાના અલગ-અલગ શહેરોમાં વિરોધીઓના ટોળા એકઠા થઈ રહ્યા છે અને હવે તેમાં ઘણી હસ્તીઓ જોડાવા લાગી છે. શ્રીલંકાના પૂર્વ ક્રિકેટર સનથ જયસૂર્યા પણ રસ્તા પર ઉતરી આવ્યા છે. સનથ જયસૂર્યા પણ કોલંબોમાં રાષ્ટ્રપતિ ભવન પાસે પહોંચી ગયા છે, જ્યાં પ્રદર્શનકારીઓની ભીડ છે.
તમને જણાવી દઈએ કે શ્રીલંકા અને ઓસ્ટ્રેલિયા વચ્ચે ગાલેમાં ટેસ્ટ મેચ ચાલી રહી છે. ઓસ્ટ્રેલિયાએ અહીં પ્રથમ દાવમાં 364 રન બનાવ્યા હતા, જેમાં સ્ટીવ સ્મિથના 145 અને માર્નસ લેબુશેન દ્વારા 104 રનનો સમાવેશ થાય છે.
The intensity is really picking up with the protests outside the Galle International Stadium right now. Incredible scenes and a surreal backdrop to the Test match underway only a couple of hundred meters away #SLvAus pic.twitter.com/D46ziJeREF
— Bharat Sundaresan (@beastieboy07) July 9, 2022