Cricket

ટી-20 વર્લ્ડ કપ 2021 માટે ભારતીય ટીમના છેલ્લા 15 માં શાર્દુલ ઠાકુરની એન્ટ્રી,જાણો ટીમ

ટી 20 વર્લ્ડ કપ 2021 માટે ભારતીય ટીમમાં અક્ષર પટેલની જગ્યાએ શાર્દુલ ઠાકુરને ટીમમાં સામેલ કરવામાં આવ્યો છે. BCCI એ પોસ્ટ શેર કરીને તેની માહિતી શેર કરી છે. વાસ્તવમાં અક્ષર પટેલને અગાઉ જાહેર કરેલા છેલ્લા 15 ખેલાડીઓની યાદીમાં સામેલ કરવામાં આવ્યા હતા અને શાર્દુલને સ્ટેન્ડ-બાય ખેલાડી તરીકે રાખવામાં આવ્યો હતો. પરંતુ હવે શાર્દુલ ટીમના છેલ્લા 15 ખેલાડીઓ સાથે જોડાયો છે અને અક્ષરને સ્ટેન્ડ-બાય તરીકે ટીમમાં સામેલ કરવામાં આવ્યો છે. તમને જણાવી દઈએ કે, ટી 20 વર્લ્ડ કપ 17 ઓક્ટોબરથી શરૂ થવાનો છે. ભારતની ટીમ 24 ઓક્ટોબરે પાકિસ્તાન સામે તેની પ્રથમ મેચ રમશે.

Loading...

જણાવી દઈએ કે યુઝવેન્દ્ર ચહલે આઈપીએલમાં આશ્ચર્યજનક પ્રદર્શન કર્યું હતું, આવી સ્થિતિમાં એવી અપેક્ષા હતી કે તેને પણ ટીમમાં સામેલ કરવામાં આવશે પરંતુ એવું થયું નથી. આ સિવાય શિખર ધવન પણ સુધારેલી ભારતીય ટીમમાં સ્થાન મેળવી શક્યો નથી. આ સિવાય હાર્દિક પંડ્યા વિશે ઘણી અટકળો ચાલી રહી હતી પરંતુ પસંદગીકારોએ તેના પર વિશ્વાસ મૂક્યો છે અને તેને ટીમમાં જાળવી રાખ્યો છે.

ધોનીની કેપ્ટનશિપ હેઠળ ભારતની ટીમ 2007 વર્લ્ડ ટી-20 માં ટાઇટલ જીતવામાં સફળ રહી હતી. હવે જોવાનું રહેશે કે ભારતીય ટીમ આ વખતે ટાઇટલ જીતી શકે છે કે નહીં. તમને જણાવી દઈએ કે ટી 20 માં ભારતીય કેપ્ટન તરીકે વિરાટ કોહલીની છેલ્લી ટુર્નામેન્ટ સાબિત થવા જઈ રહી છે.

ICC ટી 20 વર્લ્ડ કપ માટે ભારતીય ટીમ: વિરાટ કોહલી (કેપ્ટન), રોહિત શર્મા (વાઈસ કેપ્ટન), કેએલ રાહુલ, સૂર્યકુમાર યાદવ,રૂષભ પંત (wk), ઈશાન કિશન, હાર્દિક પંડ્યા, રવિન્દ્ર જાડેજા, રાહુલ ચહર, રવિચંદ્રન અશ્વિન, શાર્દુલ ઠાકુર, વરુણ ચક્રવર્તી, જસપ્રિત બુમરાહ, ભુવનેશ્વર કુમાર, મોહમ્મદ શમી

સ્ટેન્ડ-બાય ખેલાડીઓ: શ્રેયસ એયર, દીપક ચાહર, અક્ષર પટેલ

આ સિવાય BCCI એ અવેશ ખાન, ઉમરાન મલિક, હર્ષલ પટેલ, લુકમેન મેરીવાલા, વેંકટેશ એયર, કરણ શર્મા, શાહબાઝ અહમદ અને કે ગૌતમને બાયોબબલમાં રહેવાનો આદેશ પણ આપ્યો છે. આ તમામ ખેલાડીઓ ટીમ ઇન્ડિયા સાથે રહીને તૈયારીમાં મદદ કરશે.

Leave a Reply

Your email address will not be published. Required fields are marked *