ટીમ ઈન્ડિયાએ પોતાના નામે કર્યો આ વર્લ્ડ રેકોર્ડ,આંતરરાષ્ટ્રીય ક્રિકેટમાં આવું કરનાર પ્રથમ ટીમ બની,જુઓ

ભારત અને શ્રીલંકા વચ્ચે ત્રણ મેચની ODI શ્રેણીની પ્રથમ મેચ ગુવાહાટીના બરસાપારા ક્રિકેટ સ્ટેડિયમમાં રમાઈ રહી છે. આ મેચ દરમિયાન ટીમ ઈન્ડિયાએ ઈન્ટરનેશનલ ક્રિકેટનો મોટો વર્લ્ડ રેકોર્ડ બનાવ્યો છે. ટીમ ઈન્ડિયાએ આ મેચમાં ટોસ હાર્યા બાદ પ્રથમ બેટિંગ કરી અને બોર્ડ પર મોટો સ્કોર બનાવ્યો.

આ મેચમાં પ્રથમ બેટિંગ કરતા ટીમ ઈન્ડિયાએ 50 ઓવરમાં 7 વિકેટ ગુમાવીને 373 રન બનાવ્યા હતા. ટીમ ઈન્ડિયાએ શ્રીલંકા સામે વનડેમાં 9મી વખત 350થી વધુ રન બનાવ્યા છે. આ સાથે ટીમ ઈન્ડિયા એક ટીમ સામે વનડેમાં સૌથી વધુ 350 રન બનાવનારી ટીમ બની ગઈ છે. ભારત પહેલા ઓસ્ટ્રેલિયાએ કોઈ ટીમ સામે 8 વખત 350થી વધુ રન બનાવ્યા હતા, ખાસ વાત એ છે કે ઓસ્ટ્રેલિયાએ આ કારનામું ભારત સામે જ કર્યું હતું.

શ્રીલંકાના કેપ્ટને આ મેચમાં ટોસ હાર્યા બાદ પ્રથમ બોલિંગ કરવાનો નિર્ણય લીધો હતો જે ખોટો સાબિત થયો હતો. આ મેચમાં ટીમ ઈન્ડિયાએ શરૂઆતથી જ આક્રમક વલણ દાખવ્યું હતું. ભારતના ઓપનર રોહિત શર્માએ 83 રન અને શુભમન ગિલે 70 રન બનાવ્યા હતા. આ સાથે જ વિરાટ કોહલી પોતાની 45મી ODI સદી ફટકારવામાં સફળ રહ્યો. તેણે 87 બોલમાં 113 રનની ધમાકેદાર ઇનિંગ રમી હતી. આ ઇનિંગમાં તેના બેટમાંથી 12 ફોર અને 1 સિક્સ પણ જોવા મળી હતી.

શ્રીલંકાએ છેલ્લે વર્ષ 1997માં ભારત સામે વનડે શ્રેણી જીતી હતી. આવી સ્થિતિમાં દાસુન શનાકાની ટીમ આ ઈતિહાસને બદલવા માંગે છે, પરંતુ અત્યાર સુધીના આંકડા તેમની વિરુદ્ધ દેખાય છે. બંને ટીમો વચ્ચે અત્યાર સુધીમાં કુલ 19 વનડે સિરીઝ રમાઈ છે. તેમાંથી ભારતે 14 સીરીઝ જીતી છે જ્યારે શ્રીલંકાએ માત્ર 2 સીરીઝ જીતી છે અને 3 સીરીઝ ડ્રો રહી છે.